लुटपाट गर्ने तीनजना पक्राउ

लुटपाट गर्ने तीनजना पक्राउ बैतडी, कात्तिक ८ – बैतडीको शिवनाथ गाविसमा सामुहिक रुपमा लुटपाट गरेको अभियोगमा प्रहरीले तीनजनालाई पक्रेको छ । १४/१५ जनाको लुटेरा समुहले स्थानीय ६ घरबाट डेढलाख नगद, डेढ तोला सुन, ४ थान मोबाईल लुटेर लगेका थिए । सेती अञ्चल प्रहरी कार्यालय दिएको जानकारी अनुसार इलाका प्रहरी कार्यालय तल्लो स्वराडबाट गएको प्रहरीको टोलीले लुटपाटमा संलग्न भएको आरोपमा ३ जनालाई पक्राउ गरेको छ । पक्राउ परेकाहरुको नाम भने सार्वजनिक गरेको छैन ।