खेलाडीहरुको दशैं

काठमाडौंका बासिन्दा भएकाले पारसको दशैं राजधानीमा नै वित्नेछ । हालै मात्र डिभिजन फोर र एसीसी ट्रफी जितेर आएका राष्ट्रिय टोलीको सफल कप्तान पारस दशैंमा साथीभाईसँग बसेर रमाइलो गर्ने योजनामा छन् । ‘दशैंमा साथीभाईहरुसँग बसेर रमाइलो गरिन्छ’ पारसले अनलाइनखबरसँग भने-’मिल्यो भने साथीहरुसँग मिलेर घुम्न गइन्छ ।’ उनले रमाइलोका लागि विगतका वर्षहरुमा जस्तै तास खोल्ने बताए । दशैंको सबैभन्दा मन पर्ने कुरा विजया दशमीको टिका र आफन्तहरुसँगको भेट हो पारसलाई ।